Mots-claus : transpòrts

Un usatgièr ganha son procès contra la societat Autoroutes du Sud de la France

9 mars 2015

Autoroute du Soleil

Lois Pergaud ven de ganhar devant lo TGI de Lion lo procès qu’aviá intentat contra aquesta societat a la seguida d’una batesta d’expèrts scientifics.

Lois Pergaud es de Marselha mas sa societat l’a mudat a Lion. Cada dimenge, pren l’autopista per rejóner son luòc de trabalh. L’autorota A7, qu’utilisa, se sona « Autorouta del Solelh ». Cada setmana, aquela apelacion l’embufaba que, el, a mesura qu’avançava, trapava lo marrit temps.
(suite…)

Montpelhièr : Faràn de lòtjaments estudiants amb los TER tròp largs

23 mai 2014

TER

La Comuna de Montpelhièr a prepausat de tornar crompar a la SNCF los TER tròp largs per ne far de ciutats universitàrias.

Benlèu que Montpelhièr salvarà la SNCF del ridicule total. D’efièit l’entrepresa a crompat detzenats de ramas de TER que se son averadas tròp largas per passar dins d’unas garas. Fin finala, seràn convertidas en lòtjaments pels estudiants.
(suite…)

Lo Tolosa-Marselha de 12h54 es partit a l’ora

15 avril 2014

Teoz

Es una primièra dins l’istòria de la SNCF. Lo Tolosa-Marselha, partença inicialament prevista a 12h54, es partit a l’ora… e arribat a l’ora tanben.

Los acostumats de la linha se’n remembraràn pendent d’annadas. « Es un eveniment que se vei sonque un còp dins una vida », commentèt Claude Retmin, usatgièr regular. « Quand o contarai a mos amics, o volràn pas jamai creire », ditz una autra passatgièra.
(suite…)

Una boha en gara del Mont entraïna una crisi d’isteria murtrièra

6 avril 2014

Boha

Aquò partissiá pertant d’una bona idèia, aquela de Garas & Conneccions, filiala de la SNCF qu’installèt dins un detzenat de garas en França de pianòs, a la liura dispausicion del public, que siá meloman confirmat o començant. Al Mont, la musica foguèt malastrosament un pauc diferenta.

Decebut que sa gara demorès de sòbra, pas jutjada pro bèla, lo director de l’estacion del Mont de Marsan prenguèt d’el-meteis l’inciativa de far installar dins lo hall de sa gara un instrument, per que lo monde ne poscan jogar e aital calmar l’ànsia provocada per de trens totjorn mai en retard, quora son pas tot simplament annulats.
(suite…)