Mots-claus : tresen atge

La fèsta de la musica perimada regaudirà vièlhs e vièlhs

5 mai 2014

Fèsta de la musica perimada

La fèsta de la musica perimada se tendrà al teatre de la Cuitat de Carcassona lo 22 de junh de 2014.

L’associacion Quiqueriqui le Shan du Gal torna organizar la fèsta de la musica perimada. Coma de costuma, aquela fèsta fa la promocion dels cantaires e duòs perimats, en direccion d’un public vièlh. Aquela fèsta se fa amb lo sosten del Festenal de Carcassona, Bastide Matériel Médical, La Tisanière e Audika. A la fin de l’espectacle, un tè dançant serà ofèrt per la municipalitat.
(suite…)

Lo 1000en cors d’occitan pels vièlhs ven d’obrir

6 avril 2014

Cors pels ancians

Lo malhum nacional dels cercles occitans s’es felicitat quand « Aprenem l’Occitan » li a transmés la novèla : a la debuta d’abrial s’es dobèrt lo 1000en cors de lenga pel tresen atge.

Se debana a Sant Gèli, dins Gard, cada dimars de 10 oras a 11 oras del matin. « Aqueste orari permet de destriar lèu lo public », explica Enric Valalièr, president del cercle occitan local. « Normalament, fòra los retirats, pas degun es disponible a aquela ora. Solide, i a totjorn la risca qu’un estudiant siá liure lo dimars de matin, mes las tematicas causidas e la pedagogia aplicada lo deurián dissuadir pro lèu ».
(suite…)

« Viàgra e amnesia », l’album novèl dels Motlagas

23 mars 2014

Motlagas - Viàgra e amnesia

Lo grop besierenc de musica engatjada prepara un disque a destinacion d’un public novèl : lo tresen atge.

Lo procediment es original e ambiciós : un album a destinacion d’un public « tròp sovent doblidat », lo dels ancians. Vòl abordar las questions que pertòcan aquela populacion per ne far mai préner consciéncia al monde. Avèm rencontrat Bob, lo cantaire dels Motlagas :
(suite…)